愛與鬼的共性理論

(舊文復刻 ~~ 2005年10月31日)

阿餅同我幾經辛苦去研究「愛與鬼的共性理論」
得出一個結論(都幾恐怖既), 就係愛, 某程度上, 同鬼, 係無分別既。因此, 可以推出:

1.你信就有，唔信就無。但當佢出現o個陣，就算你唔信，都會形住形住佢o係度搞緊你，所以，愛同鬼一 樣，都係寧可信其有好d。

2.when 愛=鬼, so浪漫滿屋=猛鬼街, 一樣係咁恐怖......

3.鬼節燒陰司紙, 情人節燒銀紙, 兩者都係預防比較有power既一方發爛, 你知啦, 呢d野都係小心d好......

4.有d人時運高, 一世都唔會見到鬼, 有d人時運低(定係高?), 一世都唔會有愛情。

5.愛情唔係盲目, 係鬼掩眼, 分手之後你無辦法想起你點解會愛過呢個人.......

6.愛情唔係犧牲, 係鬼上身, 會做出一d你無辦法理解點解會做既傻事。

7.愛一個人o既時候,開心定唔開心都好都仲會中個頭埋去.....果d叫"俾鬼迷"

8.怕鬼的人唔會接觸同鬼神有關o既活動:怕愛o既人都唔會接觸一d拍拖人士會做o既野

9."見過鬼就怕黑"呢句說話可以套落愛情上面用

10.雖然我未見過鬼,不過我信有鬼o既存

11.鬼節同情人節我都一樣避免出街

12.落雨,天陰同月黑風高o既時份都係鬼同愛最易現身o既時候

13.祭祀鬼神要用中國白酒、白菊花同紙扎公仔;建立愛情要用外國紅酒、紅玫瑰同毛公仔

14.2個拍拖人要心靈相通o既話同問米準確o既機會率係一樣

15.要趕走怨靈要搵道史or牧師;趕走d唔想再愛o既怨男or女要搵d特別o既朋友,兩者付出o既代價同心力都係高昂

16.養鬼仔同拍拖係唔係好似呢?唔駛解釋啦~

17.鬼同愛情一樣....冇野可以量度,測試同驗證佢o既存在...到現今兩者都係冇科學可以準確甘解釋o既

18."形"住有鬼o既人多數係自己嚇自己;而"形"住有追o既人多數都係自己覺得係既姐...

19.初初俾鬼搞既人同岩岩有拖拍o既人一樣,成日都心神晃忽

20.鬼片同愛情片一樣....都係好講究營造氣氛

21.無知婦孺篤信鬼神;無知少女篤信愛情

22.祈福黨會同鬼神之說呃人錢;情場騙子會用愛情tum女仔上床兼呃錢(好似愛情可怕d)

23.俾鬼嚇完要人陪先訓得著;失戀o既人都要人陪先情緒穩定;兩者o既精神狀況都好脆弱

24.又要怕,又想(見/試);青少年對鬼同愛都係充滿好奇心同大無愄精神的.....

25.探險睇墳墓o既地方同談情、打野戰o既地方都係不相伯仲的

26.同鬼接觸到唔識contorl既時候,最嚴重會關乎人命;情到濃時唔識control都會搞出人命;感情問題處理得唔好都會出人命(情殺果d)